NDËRHYRJA POLITIKE E FUQIVE TË MËDHA DHE E SHTETEVE BALLKANIKE NË FAZËN E PARË TË KRYENGRITJES NË SHQIPËRINË E MESME (maj-shtator 1914)

Abstrakti

Kryengritja që shpërtheu në Shqipërinë e Mesme në pranverë të vitit 1914 ka qenë dhe vazhdon të mbetet një nga temat më të diskutuara para dhe pas viteve 90-të. Politizimi i skajshëm që pësoi trajtimi i kësaj ngjarjeje si rezultat i ndërhyrjes së politikës së kohës, i detyroi studiuesit që burimet faktografike t’ia përshtasnin qëndrimit zyrtar. Për këtë arsye, ende sot e kësaj dite, në literaturën historiografike lidhur me shkaqet e kryengritjes ekzistojnë pika të paqarta.
Në këtë artikull do të përpiqemi të trajtojmë rolin dhe ndërhyrjen e Fuqive të Mëdha dhe të shteteve ballkanike në fazën e parë të kryengritjes në Shqipërinë e Mesme (maj-shtator 1914).