ALEKSANDËR STIPÇEVIQ 1930-2015

Abstrakti

Më 30 gusht 2015 në Zagreb ndërroi jetë arkeologu , historiani, ilirologu, bibliologu dhe mbi të gjitha patrioti dhe njeriu i madh Akademiku Aleksandar Stipçeviq. Ai ishte studiues i thellë në histori, bibliografi, enciklopedistikë dhe sociologji, por ka dhënë veçanërisht kontribut të rëndësishëm në fushën e ilirologjisë dhe të kulturës shqiptare në përgjithësi. Për shumë vjet drejtoi një varg institucionesh e projektesh që lidheshin me bibliotekat, historinë e librit, botimet enciklopedike etj., në Akademinë e Shkencave dhe të Arteve të Jugosllavisë (JAZU) e më vonë të Kroacisë (HAZU) në Zagreb.