ROMËT DHE INTEGRIMI I TYRE NË SHOQËRINË SHQIPTARE, RASTI I GJIROKASTRËS

Abstrakti

Në territorin e Republikës së Shqipërisë punojnë e jetojnë edhe disa popullsi jo shqiptare, të cilat njihen si minoritete. Midis tyre bën pjesë edhe komuniteti rom. Ky komunitet njihet zyrtarisht në Shqipëri, si një pakicë linguistike dhe kulturore. Ky përcaktim konfirmohet edhe në raportin zyrtar që qeveria e Tiranës përpiloi në prill të vitit 2001, mbështetur në nenin 25 të “Konventës kuadër të Këshillit të Evropës për mbrojtjen e Minoriteteve Kombëtare”, raport në të cilin, kjo popullsi së bashku me arumunët cilësohej si pakicë linguistike.