LIDHJA E PRIZRENIT NË KONTEKSTIN E MARRËDHËNIEVE SHQIPTARO-OSMANE

Abstrakti

Edhe pse janë shënuar një varg arritjesh përsa i përket studimit të historisë së Lidhjes së Prizrenit, përsëri shihet e nevojshme që në rrafshin historiografik të kemi qasje më serioze e realiste kur është fjala për kthjellimin e mëtejshëm të vendit dhe të rolit të Lidhjes në marrëdhëniet midis shqiptarëve dhe shtetit osman në rrjedhën e shek. XIX dhe sidomos gjatë ekzistencës së saj afro tre vjeçare. Ne shpresojmë se në suazat e kësaj trajtese, përmes shqyrtimit dhe rishqyrtimit të të dhënave të përftuara nga studimet e kryera si dhe nga burimet historike disponibël, të sillen ndriçime të mëtejme rreth argumentit të mësipërm.