SITUATA DEMOGRAFIKE, FETARE, ETNIKE, EKONOMIKE ETJ., NË VISET E “SHQIPTARËVE TË VERIUT”, NË VITIN 1877, SIPAS KONSULLIT AUSTRO-HUNGAREZ LIPPIH

Abstrakti

Kohët ndryshojnë dhe superfuqitë politike e ekonomike botërore të interesuara për rajonin e Ballkanit i kanë lenë vendin njera-tjetrës, por ajo që mbetet konstante është një dëshirë e përhershme e të mëdhenjve, pavarësisht nga oshilacionet për prani në këtë trevë.
Mbeten natyrisht edhe popujt e rajonit që, me ose pa aleatë të mëdhenj në miqësi ose armiqësi me njeri tjetrin, u duhet të mbijetojnë e të përpiqen për një jetë më të mirë duke shfrytëzuar të gjithë mundësitë që u jepen dhe të gjithë resurset që zotërojnë.