TURHAN PASHË PËRMETI (1839-1927) SIPAS VLERËSIMIT TË SYRJA BEJ VLORËS

Abstrakti

Turhan Pashë Përmeti është një personalitet i njohur në historinë e shtetit shqiptar. Dy herë kryeministër, përkatësisht në vitin 1914, me qeverinë 6 mujore (17 mars - 3 shtator) të Princ Vidit dhe pas Luftës së Parë Botërore (dhjetor 1918 - janar 1920) në qeverinë shqiptare, që u krijua me vendimin e Kongresit të Durrësit, ai, padyshim, la emrin e tij në vitet e para të lindjes dhe përpjekjeve të Shqipërisë për mbijetesë. Vlerësimi i këtij personaliteti ka nuanca të ndryshme në historiografi, që në rastin më të mirë është portretizuar si shumë i mefshtë, pa njohje me realitetin, e deri vegël në duart e Esat Toptanit dhe Italisë etj.