ROLI I HOTIT NË KRYENGRITJEN E MALËSISË SË MADHE

Abstrakti

Treva e Hotit, e njohur historikisht qysh në Mesjetë evidentohet në mënyrë të dukshme gjatë periudhës së Rilindjes Kombëtare Shqiptare dhe të kryengritjeve të fillimshekullit XX, që u finalizuan me Shpalljen e Pavarësisë e më pas me krijimin e shtetit shqiptar. Ndonëse një territor relativisht i vogël dhe i banuar nga një numër jo i madh njerëzish, treva dhe fisi i Hotit ndeshen jo rrallë në dokumentacionin diplomatik të asaj periudhe. Gjatë sundimit osman Hoti, edhe pse nuk nxori kurrë më shumë se 300-500 luftëtarë, çmohej si bajrak i parë në kuadër të fiseve të Malësisë së Madhe, dhe kishte privilegjin që në betejë të rreshtohej në krahun e majtë të ushtrisë osmane.