DISA PIKËPAMJE MBI REFORMAT E SHTETIT OSMAN, LËVIZJEN XHONTURKE DHE MARRËDHËNIET E TYRE ME SHQIPTARËT (1908-1910)

Abstrakti

Duke nisur që nga shek. XVI fuqitë perëndimore kishin realizuar revolucionin industrial, kishin zbuluar rrugë të reja detare dhe në Europë kishin lindur Fuqi të Mëdha si Anglia, Austro-Hungaria, Rusia e Franca të cilat tashmë e rivalizonin shtetin osman në fusha të ndryshme si ekonomi, ushtri, kulturë e politikë. Madje mund të thuhet që në disa fusha ato tashmë i kishin kaluar osmanët. Për më tepër, me Revolucionin Francez mori hov ideologjia e shtetit komb, e cila ishte krejt e kundërt me sistemin e mileteve që ishte baza e shoqërisë osmane.1 Për pasojë edhe brenda shtetit osman do të lindin lëvizjet kombëtare të cilat kulmuan në shek. XIX.