AT MARIN SIRDANI O.F.M. DHE STUDIMET MBI SKËNDERBEUN

Abstrakti

Na e dijmë, se nder malet t’ona, per nji burrë të tepruem, per nji div a kreshnik, thonë se lè drangue. Nji nieri këso dore e falë Zot’ynë të pështjellun me nji pelhurë të hollë, si shark bolle, me fletë nên sjetulla, e i ep nji fuqì të mbinatyrëshme. Kështu, mbas gojëdhânash, u lè edhé Skanderbegu.
Emri i at Marin Sirdanit O.F.M., meshtarit që iu kushtua plotësisht gjurmimeve në fushë të historiografisë shqiptare dhe evidentimit të burimeve më të përshtatshme që mund të shërbenin për të rindërtuar periudha e jetë personalitetesh të rëndësishme për historinë e kombit tonë, lidhet pazgjidhshëm dhe me kërkimet mbi jetën e bëmat e heroit tonë kombëtar, emri i të cilit spikat në tituj punimesh dhe në trajtesa shkencore që ky i fundit ka përpiluar në dekadat e para të shekullit të kaluar.