KONTRIBUTI I ARKEOLOGJISË NË IDENTIFIKIMIN E FORTIFIKIMEVE TË PERIUDHËS SË SKËNDERBEUT NË RAJONIN E DIBRËS

Abstrakti

Një aspekt i rëndësishëm i punës studimore për të hedhur më shumë dritë mbi epopenë skënderbejane, është vendosja e korrelacioneve adekuate midis burimeve historike dhe atyre arkeologjike. Kjo gjë kërkon padyshim kryerjen e kërkimeve arkeologjike në kalatë, fortifikimet apo strukturat e tjera që kronologjikisht i referohen periudhës në shqyrtim. Edhe pse është fjala vetëm për një periudhë 25-vjeçare (1443-1468), pra kohësisht mjaft të kufizuar dhe në terma arkeologjik vështirë e identifikueshme, çelësi i zgjidhjes, është studimi më i thelluar i burimeve arkeologjike dhe gjeografisë historike, si dhe bashkëpunimi midis studiuesve të arkeologjisë dhe atyre të historisë mesjetare.