USHTRIA ÇLIRIMTARE E KOSOVËS 1994-1999

Abstrakti

Ngjarja më e rëndësishme për shqiptarët e Kosovës në shek. XX dhe, në përgjithësi për shqiptarët, pa dyshim ka qenë lufta çlirimtare gjatë viteve 1998-1999 e udhëhequr nga Ushtria Çlirimtare e Kosovës (UÇK).
UÇK, e cila për herë të parë në histori i kishte tejkaluar kufijtë rajonalë të territorit të brendshëm të Kosovës, ka një zanafillë në përpjekjet e vazhdueshme të popullit shqiptar për liri, e cila ndërlidhet me gjendjen e përgjithshme shoqërore, ekonomike, politike e, mbi të gjitha, me ngritjen e vetëdijes kombëtare. Kjo zanafillë është domethënëse dhe me rëndësi të veçantë.