BALLKANI NË PROJEKTET ANTIOSMANE TE FUQIVE EVROPIANE GJATË SHEKULLIT XVII

Abstrakti

Tradita e bashkimit në luftë dhe e organizimit politik të popujve
ballkanikë kundër Perandorisë Osmane, nuk kishte shpëtuar pa u vërejtur
nga fuqitë evropiane. Këto fuqi në konflikt me osmanët në plan të parë
llogaritnin forcën konkrete të ballkanasve si mënyrë për t’i larguar
osmanët nga Evropa Juglindore. Pamundësia e ndonjë organizimi të
popujve ballkanikë në qendra urbane në shek. XVII diktoi forcimin e
unitetit dhe organizimit politik në zonat malore, ku ndikimi osman ishte i
paktë. Në këto zona organizimi politik u shpreh në formën e kuvendeve.