DEFTER-I SANCAK-I ARVANID SI BURIM TË DHËNASH DEMOGRAFIKE MBI EPIRIN NË KAPËRCYELLIN PREJ SUNDIMIT BIZANTIN NË ATË OSMAN ME DY HARTA DHE GJASHTË TABELA

Abstrakti

Me ftesën miqësore të Evangelos Chrysos, atëherë profesor në
Universitetin e Janinës, pata nderin gati tridhjetë vjet më parë që të mbaj
atje një ligjëratë për çështje që lidhen me ngulimet sllave dhe toponiminë
mesjetare të Epirit, e cila u botua pak më vonë. Burimi kryesor i shkruar i
përsiatjeve të mia të atëhershme ishte Defter-i Sancak-i Arvanid i vitit
1431/1432, që ishte hartuar menjëherë pasi Janina iu dorëzua rrethuesve
turq dhe që, siç duket, mbështetet kryesisht në një regjistër taksash të
arkivit të atjeshëm të administratës së periudhës së vonë bizantine, i cili u
shërbeu pushtetarëve të rinj si bazë për ndarjen e tokave dhe caktimin e
taksave.