ASPEKTE TË VEPRIMTARISË SË KOMUNITETIT MYSLIMAN GJATË VITEVE TË MONARKISË NË SHTYPIN E KOHËS

Abstrakti

Zhvillimet historike nëpër të cilat ka kaluar vendi ynë kanë krijuar një mozaik të ndërlikuar fetar. Ky fakt për çdo popull tjetër do të kishte qenë një fatkeqësi e vërtetë, pasi mund të ndikonte në përçarjen kombëtare. Por ndryshe ndodhi në vendin tonë, në të cilin përgjithësisht, u evidentua ndjenja e tolerancës fetare. Toleranca fetare u përfaq në kapërcimin e momenteve të vështira, në të cilat u gjend vendi ynë gjatë historisë së tij. Ajo luajti një rol pozitiv gjatë përballjeve të popullit tonë me ndërhyrjet e vazhdueshme të fqinjëve, të cilët kërkonin të mbillnin përçarje dhe armiqësi midis shqiptarëve. Kështu mund të themi se toleranca fetare, duke i lënë një rreze të vogël veprimi këtyre ndërhyrjeve, u bë pjesë përbërëse e platformës kombëtare, e cila synonte ruajtjen e ekzistencës së kombit dhe shpalljen e pavarësisë së vendit.